Navidad 2019

NO NADAL ELIXE O COMERCIO LOCAL

Merca nos establecementos asociados, pide a túa rifa e poderás gañar un vale de compra valorado en 250 €.

Sorteo o 7 de xaneiro de 2020 ás 12 da mañán nas instalacións da Asociación de Empresarios de Santa Comba.

BASES DA CAMPAÑA DE NADAL 2019

 A Asociación de Empresarios de Santa Comba con C.I.F.: G15551104 sita na Rúa Pontevedra, 9 –entrechán, de Santa Comba, organiza a Campaña de Nadal 2019 coa finalidade de incentivar as compras durante este Nadal.

1. O ámbito de participación será soamente as empresas pertencentes á Asociación de Empresarios de Santa Comba.
2. Non poderán participar os titulares dos establecementos adheridos á Asociación de Empresarios de Santa Comba cos boletos que lle foron entregados, pero sí con boletos doutros establecementos.
3. Cada empresa asociada que desexe participar terá consigo os talonarios de boletos facilitados pola Asociaicón de Empresarios que as repartirá a cada cliente. As empresas repartirán os boletos durante a Campaña de Nadal 2019 coa firme intención de promocionar e incentivar a compra.
4. O prezo do talonario de 100 boletos ten un custe para cada empresa socia participante de 2,50 € a unidade.
5. Repartiranse conxuntamente carteis identificativos da Campaña a cada empresa participante, que serán colocados nun lugar visible dende o exterior para que os clientes recoñezan qué establecementos participannesta Campaña; así mesmo haberá publicidade da mesma nas empresas asociadas (Adiante Galicia e Nova Hit) ademáis de publicacións nas redes sociais da Asociación.
6. Hai boletos numerados dende o 00001 ata o 48.100 en total, a repartir entre as diferentes empresas asociadas participantes.
7. Sortearanse vales de compra por importe de 2.000 euros, que se repartirán en 8 vales de compra por valor de 250 euros cada un, polo tanto extraeranse 8 premios.
8. O sorteo celebrarase o 7 de xaneiro de 2020, ás 12:00 horas na sede da Asociación de Empresarios. O sorteo realizarase mediante extracción de números dun bombo; será público e sen asistencia de notario.
9. O número gañador farase público na páxina web da Asociación: www.empresariosdesantacomba.com e nas redes sociais da Asociación.
10. O prazo para recoller os premios dos vales de compra remata o luns 20 de xaneiro de 2020.
11. A persoa que resulte gañadora de algún premio deberá recollelo nas oficinas da Asociación.
12. Se o gañador resultase ser menor de idade terá que vir a recoller o premio acompañado do seu titor.
13. O establecemento participante supón a aceptación destas bases.
14. O gañador ou gañadores que non acepten estas bases supón á renuncia do premio.

Santa Comba, 1 de decembro de 2019

Asdo. TERESA CASTRO RODRIGUEZ

Presidenta